Книга на неделата: „Соловјов и Ларионов“

Соловјов и Ларионов

Автор: Евгениј Водолазкин

Соловјов е млад историчар што доаѓа во Санкт Петербург да ја истражува личноста на генералот на Белата армија, Ларионов. На почетокот научно воздржан, подоцна темата целосно го опседнува: Ларионов не бил обичен генерал. Не само што ја бранел монархијата за време на Руската граѓанска војна туку тоа го правел оставајќи крвави лузни. Но, тогаш, како преживеал без последици во Советскиот Сојуз, со советска пензија, на плажите на Јалта, оставајќи зад себе син и дневник?

Младиот Соловјов патува на Крим  за да ги бара исчезнатите страници од дневникот на генералот, а на неговото патешествие го дочекуваат многу изненадувања, како што е шармантната Зоја, која работи во Музејот на Чехов на Јалта.

Покрај истакнатите имиња од руската историја, во романот се вметнати и личности од семејството на Водолазкин.

За минатото може да се пишува и со една детективска драматика, а тоа го докажува токму ова дело. Со несекојдневен хумор и со философска сериозност, „Соловјов и Ларионов“ истражува еден фасцинантен период од руската историја, притоа дефинирајќи нов книжевен жанр: историскиот детективски роман!

1

Издавач: Антолог

*Книжевен центар Антолог ул. „Ѓорѓи Пулевски“ бр. 29 лок.1
*Книжарница Антолог ул. „Димитрие Чуповски“ бр. 31 лок.1 Скопје

+389 78 290 745

www.antolog.mk

Fb/Книжевен центар АНТОЛОГ

Купете online

*Доколку преземете содржина од mygalalife.com, задолжително е да се постави извор од каде е преземeн текстот.