Книга на неделата-Свршеничката на Бруно Шулц

„Свршеничката на Бруно Шулц“

Автор: Агата Тушињска

Своевидна биографија на Бруно Шулц и прекрасна приказна за љубовта, поразите и за уметноста, која уште еднаш се покажува помоќна од смртта.

На плоштадот во Дрохобич, на 19 ноември 1942 година бил стрелан Бруно Шулц. Неколку години подоцна, неговите книги стануваат дела од епохално значење во светската книжевност. Легендата за генијалниот уметник почнува да расте. Успесите на Шулц по неговата смрт ги следи една жена, обвиена со превезот на тајната… Јузефина Шелињска, Јуна, неговата Муза и единствената жена на која Бруно Шулц ѝ има предложено брак.

Зошто Шулц никогаш не се оженил? Зошто токму тој се има потпишано на полскиот превод на „Процес“ од Франц Кафка, иако преводот го направила Шелињска? Од какви причини Јуна не си го „средила“ животот со друг маж? Каква судбина го дочекала „Месијата“, загубениот ракопис на последниот роман од Шулц? Овие прашања се дел од темите на овој оригинален роман.

SLIKA-2

Издавач: Антолог

Книжевен центар „Антолог“, ул. „Ѓорѓи Пулевски“ бр. 29 лок. 1

02/3201-007

www.antolog.mk

Fb/Книжевен центар АНТОЛОГ

 

*Доколку преземете содржина од mygalalife.com, задолжително е да се постави извор од каде е преземeн текстот.